 |
|
Obreros
casa Barraque 1900-1910 (Fuen. Ikerzaleak) |
 |
|
En a
fábrica Cherbero (Fuen. Ikerzaleak) |
 |
|
Os ninos
tamién treballaban en as alpargatas (Fuen. Ikerzaleak) |
 |
|
As condizions de vida yeran
precarias y os treballos escasiaban; yeran tiempos de probeza. En
Mauleón bistaba treballo p’as mullés; si yeran muito chovens o pai
teneba que da-lis premiso, a vezes a ilesia.
Se deciba esta copleta: As
mozas s’en van ta Francia- os mozos enta Ribera- nos quedamos
ensolicaus-dica otra primavera.
Si as golondrinas dejaban o lugá suyo, una, dos, tres, cuatro
temporadas llevaban o nombre d’o lugá suyo d’origen. Nos n-ibamos
por nesecidá; os pais nos mandaban t’alli porque no bistaba treballo.
(Testimonio Maria Barba)
A primé noticia que
conoxemos ye de dos aragoneses que se casoron en Mauléon, en 1869,
yeran de Fago y Salvatierra. Ellos fan vení a una hermana y a o
novio y este ye o punto de partida d,un movimiento migratorio que
contina dica a 2ª Guerra Mundial. Alredó de 1900 ⅓ d’a población de
Mauleón ye española.
Estas migracions se cortan durante a guerra de 1914- 1918, se tornan a fé
en os años 1920- 1930 :a güera cevil española fa que muitos
simpatizans d’a República viengan ta Mauleón dende 1936.
Estas chens veniban d’os lugás montañosos y probes entre navarra y Aragón
en do a población vive con dificultá d’agricultura y d’a madera; con
poco treballo en otoño e ivierno; ye o momento en que as industrias
de Mauleón tien nesecidá de mano d’obra..
Dimpués de 1850 plega a
Industrialización: Cuando se ubrioron as primés fábricas feba falta
mano d`obra. A mecanización pediba muita mano d’obra y esta mano
d’obra heba partiu enta América d’o sur en busca de una vida mejó
anque tamién fuyendo d’o reclutamiento, en particulá durante a
guerra de 1870-71. Asina que os primés instalaus atrayen a otros que
teneban al plegá una aduya. Bista que fe nota que en os años ‘70 se
fició una clamada de mano d’obra española, especialmen navarra y
aragonesa .
Cuando dejan de vení? Cuando
os lugás d’origen se quedan sin chen; asina Salvatierra que teneba
mas de 1000 habitans antis de 1914 y que en tie 300 (en o año 1986).
Cuando España se industrializa ellas s’en han iu ta Zaragoza,
Barcelona, Madrid, una miqueta mas tardi ta Pamplona.
Os hombres tamien heban
veniu antis de 1870, continoron viniendo a parti de 1880-1890;
teneban muitas mas treballos, a más de sandalieros, peons, leñadós,
canteros, treballaban en a construcción de carreteras o en a
electrificación. Ellos han siu menos estacionals que as mullés,
pagaban pensión, escusaban menos y a más en a estacion muerta
podeban fe otras cosetas. |
|
